| Enghraifft o'r canlynol | Eisteddfod Genedlaethol yr Urdd  |
|---|---|
| Dyddiad | 2021 |
| Lleoliad | ar-lein |
Cynhaliwyd Eisteddfod T, 2021 rhwng 31 Mai - 4 Mehefin 2021. Daeth yn sgîl effaith parhaol Covid-19 a'r 'Gofid Mawr' (Covid-19 yng Nghymru), a'r gwaharddiadau am deithio a chymysgu cymdeithasol bua bu'n rhaid gohirio Eisteddfod yr Urdd oedd i'w chynnal yn Ninbych am flwyddyn arall. Yn dilyn llwyddiant menter fyr-rybudd Eisteddfod T, 2020 bwriwyd ymlaen gydag eisteddfod ar-lein a rhithiol arall.
Daeth arlwy'r Eisteddfod yn fyw ar S4C o ddydd Llun i ddydd Gwener, 31 Mai - 4 Mehefin 2021, o Wersyll yr Urdd Llangrannog o fewn cyfyngiadau Covid-19.
Yn sgil y newid anferthol cafwyd cystadleuaethau newydd a gwahanol fel rhan o'r eisteddfod gyda chystadleuwyr yn danfon clipiau wedi eu ffilmio gartref i fewn i S4C. Gweld dros 120,000 o gystadleuwyr yn cymryd rhan mewn 120 cystadleuaeth.
Bu i 12,000 gymryd rhan mewn rhyw fodd boed yn cystadlu, hyfforddwyr, athrawon a’r golygyddion ac i bob cyfeilydd a’r unigolion fu’n gyfrifol am recordio a chofrestru’r gwaith a’r fideos.[1]
Ymysg un o'r cystadlaethau newydd oedd cystadleuaeth creu fideo i gyfryngau cymdeithasol.[2]
- ↑ "O'r soffa i sedd y pafiliwn! Eisteddfod T". Gwefan yr Urdd. Cyrchwyd 14 Rhagfyr 2023.
- ↑ "Eisteddfod T: Enillwyr cystadleuaeth creu fideo i gyfryngau cymdeithasol". BBC Cymru Fyw. 3 Mehefin 2021.